استفسار عن صيانة باترول 2002

فيه العضو : أبو سند ( ولا هان الباقين ) معه فتك نفس الي معك قير اوتو .. ان شاء الله يفيذك .

السيارات الجديده أو بالأصح اللي فيها كمبيوتر ماينفع لها إلا فحص كمبيوتر هو الوحيد اللي يطلع الأعطال

 بنسبه كبيره عن التخمين العشوائي واللإجتهادات 

آخر شي حصل معي السياره تدق وماتشتغل فحصت الفيوز والكويلات واحد واجد وطرمبة البنزين

وكلها سليمه .... وبالأخير سحبتها على ورشه فيها فحص كمبيوتر وطلعت العله والخراب في 

السكيورتي تبع المفتاح اللي بالدركسون هذا العطل ماكنت أتوقعه ومافكرت فيه إلا حين إكتشافه 

بالفحص بالكمبيوتر .. خلاصة الكلام الكمبيوتر هو اللي عنده العلم ونسبة الخطأ عنده قليله لذالك عليك بالفحص

وريح راسك وجيبك من التخمينات اللي يمكن تخسرك وتجبرك تغير وتفك حاجات سليمه .. وبالتوفيق

هل تشتغل عندك لمبة المكينة (Check engine ) أحيانًا ؟ 

طيب وين الأماكن الي تفحص لي انا شمال الرياض وكم تكلف ؟ وين اعمل الصيانة بالوكالة ولا

لا الحمد لله ما تشتغل لمة check engine

شف يا الغالي ,,ولا هو نقص با الشباب اللي ردو لكن انا اعرف الفتك مسمار مسمار واعرف ايش يبغى با الضبط واح افصل لك بس لا تنسنا من دعائك ,, 
دام السياره سليمه ما تحتاج فحص كمبيوتر ولا تخسر نفسك ,,لان بعض الورش تقول تحتاج وتحتاج وكلها نصب في نصب,
واذا ممشى السياره كما ذكرت فما شاء الله على موديله ما يعتبر ما شي 
ام حاجه با الفتك الاديتر ويعتبر اديتر الفتك من اسواء الاديترات بحكم صغر خلايا التبريد لذا دئما تتسكر وتحتمي السياره وانت ما تدري,,لذا وحنا مقبلين على الصيف 
تروح تشتري طبلات اديتر اعلى واسفل ,,( القطعه السوداء اللي فيها غطاء الاديتر) وتشتري بلف حراره لكن بشرط تكون القطع اصليه سعر الطبلات تقريبا ب 400 ريال للجميع وبلف الحراره ب 70 ريال,,وتروح محل اديترات وتعمل تسييخ وغسيل سرندل وتنظيف علبة الاديتر اللي بجانب البطاريه وتركب الطبلات,,وسعر كل ها الشغل من 150 الى 200  ريال,,ولاهم خليك على راس العامل وهو يشتغل لان البعض في عملية التسييخ اكلام,
كذالك اشتر محلول اديتر مستو بيشي ب 40 ريال 4 لتر وضع ثلاث ارباع الجك والباقي ما مقطر,
طبعا تقولي ليش اغير طبلات الاديتر ,,اقولك لانها احينا اذا ما قد اتغيرت لا قدر اللي تنكسر مع النص وترتفع درجة الحراره وانت ما تعلم ,,
اما الدعسه شيك لا تكون الدعسه تمسك با الفرشه ,, واذا والله الفرشه ما لها دخل ,,يبقى عندك اما واير الدعسه فيه اوساخ او متجرح او سبرنق الدعسه اللي با المكينه يحتاج تنظيف ,,او عندك اللهات تحتاج تنظيف ,اما مشكلة القزاز فعندك الزر يحتاج فك وتعديل قطعه صغير موصله للكهرباء ,,
واحب انبهك اذا العامل جاء يعبئ الاديتر ماء ,,فيه ما صوره فوق دينمو الكهرباء فيها مسمار هذي تفكها تقريبا للنص ,بعدين تعبئ الماء عن طريق القربه اللي بجانب البطاريه ,وغطاء الاديتر مفتوح ,,طبعا هذا المسمار راح تلاحظ خروج الماء عن طريقه وهذا مهمته انك تضمن خروج الهواء من المكينه ,,
نقاط اخرى 
في حال غسيل المكينه اشرط على العامل انه يفك البلف من شان الماء ياخذ دورته كامله 
كذالك اثناء الغسيل شغل السياره لمدة نص دقيقه وشغل المكيف على الحار من شان الماء القديم المشبع بالصداء اللي با الدفايه يخرج  وهذا كله من شان ما يكون عندك تهريب ماء من الدفيه مستقبلا وتخسر 2500 ريال 
اخيرا اعمل ما ذكرته لك وهذا اهم ما يحتاجه الفتك وتتجنب مشكل انت في غناء عنها 
وراح اكمل لك اذا اردت الحاجات الاخرى التي تشيك عليها

سلام يابو نادر انا معي اخو الموتر اس جي ال تماتيك اذا شغلت الموتر وهو بارد ياالله يقوم مثل الباترول 95و94 ثم يشتغل زين صلنصيل اذا احتماء وجوالي 0503975060

وياشباب ياليت تدلونا على واحد شغله زين بتنظيف الاديترات